Kumatasa kwezamaveni kwazise ukuthi yiwona adayisa kakhulu ukudlula zonke izimoto eMzansi Afrika. Bonke abadayisi bezimoto abakhulu babanga abathengi abathanda lezi zimoto. UNissan njengomunye walaba badayisi abaqavile ukhiphe iNavara entsha kuze ezothola amakhasimende kulesisigaba semboni yezimoto. INavara isemuva koToyota Hilux, Ford Ranger kanye ne-Isuzu KB ngokudayiswa kodwa lokhu akusho ukuthi akusiyo iveni yeqophelo eliphezulu. Uzonaka ukuthi okwamanje iNavara isatholakala ngedouble cab kuphela futhi nangenjini eyodwa ye2.3 kadizili kuphela. Lokhu kunomthelela omkhulu ekudayisweni kwayo uma iqhathaniswa namanye amaveni ebanga nawo amakhasimende.

Injani iNavara entsha?

UNissan usebenze kanzima ukwenza iNissan Navara entsha ibukeke. Ngaphandle lokhu kubonakala kakhulu ngaphambili kwigrille, nakubhampa kanye namathoshi amasha enza iNavara ibukeke inkulu kunalokhu eyikho. Eceleni inolayini abayenza ibukeke iyisidlakela esingenawo umzimba onamafutha. Nangemuva iyabukeka iNavara ngenxa amathoshi enziwe ngayo. Made futhi avela emaceleni.

Ngaphakathi yakhiwe ngezinto zeqophelo eliphezulu. Uzwa uyithinta ukuthi lemoto ithuthuke kakhulu uma iqhathaniswa nalena eyikhiphayo. Esikuthakasele kakhulu yiinfotainment yakhona okwazi ukuyisebenzisa ngokuyithinta kanye nangezinkinobho ezisesistelingini. Akupheli lapho, ave iningi indawo ngaphakathi kweNissan Navara. Akusiye kuphela umshayeli nomgibeli wangaphimbili abahlala benethezeke kodwa nabagibeli abangemuva bahlala bekhululeke. Abagibeli abahlali bakhululeke kuphela kodwa bahlala nangokunethezeka kwazise uNissan usebenzise ishesi yeqophelo eliphezulu kuNavara. Leshesi yenza iNavara ibe ngenye yamaveni anethezeke kakhulu eNingizimu Afrika. Uze ukhohlwe ukuthi usevenini. Ukhunjuzwa injini kadisili ibiqubula kodwa hhayi ngendlela enomsindo omkhulu kwazise uNissan usebenzekakhulu ukuthi iNavara ingangenisi kakhulu umsindo wangaphandle ngaphakathi. Umzimba weNavara mukhulu yikho uNissan efake ikhamera ngemuva ukwenzela uphephe kodwa sicabanga ukuthi ububanzi bayo bangaphambili budinga okungenani uNissan afake ikhamera yangaphambili noma amasensa.

Kunjani ukuyishayela?

Sesiyishayele amahlandla amaningana iNissan Navara kodwa sonke isikhathi besilokhu sishayela injini yeautomatic esiyithanda kakhulu kwazise inamandla. Kulokhu sishintshe amagiya sashayela imanual okuthiwa i2.3D LE 4×4 MT Double Cab. Nayo imanual isebenzisa injini efanayo nale ekwiautomatic okuyi i2.3 kadisili. Lenjini yemanual enamagiya ayisithupha siyithakasele kakhulu ngendlela ekunika ngayo amandla. Lawa mandla akhona nasemagiyeni aphezulu. Awuzitholi kumele ulokhushintsha ngokwehlisa amagiya uma kufanele udlule imoto kuthela wayeka. Esikunakile ukuthi amagiya u,1,3 kanye no5 baseduze kakhulu noneutral. Kanti lawa amanye enziwe ngendlela ejwayelekile. Nokho lokhu kuyashesha ukujwayeleka.

Uma ufuna idouble cab yeqophelo eliphezulu enamandla futhi enethezekile uyobe ungashayanga eceleni uma ukethe iNissan Navara entsha.

Amanani eNavara anje:

2.3 SE 4×4 MT Double Cab:              R518,900

2.3D LE 4×4 MT Double Cab:            R567,900

2.3 LE 4×4 AT Double Cab:                R597,900

Amanani afaka iservice plan yeminyaka ewu3 year noma u90,000 km kanye newaranti yeminyaka ewu 6 noma u150,000 km.