Isithombe Benjamin Chunga

Kubantu abaningi, kunzima ukuthenga imoto eyicoupe. Abaningi banqene ukungabikho kweminyango yangemuva kanye nebhuthi evame ukuba ncanyana. Lokhu kubukeka kuyinkinga kakhulu, uma kuwuhlobo lwecoupe olwakhiwe phezu kwesisekelo semoto encane njenge1 Series. Phela i2 Series iyicoupe ye1 Series futhi yicoupe encane kunawo wonke amacoupe akwaBMW. Sihlale iviki neBMW 2 Series engcine isichaza kakhulu futhi iqeda konke ukusaba ebesinawo ngamacoupe.

Isithombe Benjamin Chunga

Ngaphakathi

IBMW 2 Series iyimoto ejwayeleka kalula noma iyicoupe. Phakathi, kunendawo ethi ayibe ningi ukwanele umshayeli nabagibeli bangemuva. Isizitulo zinethezekile. Ibhuthi nayo ithi ayibe nkudlwana ngoba ikwazi ukuthathat u390 wamalitha omthwalo. Lokhu kuchaza ukuthi, ungakwazi ukufaka igrosa noma ufake umthwalo, uthatha ikhefu. Uma lokhu kunganele, ungakwazi ukulalisa izitulo zangemuva kuze sande isikhala sokufaka umthwalo. Izinga leqophelo langaphakathi kwe2 Series, yilokhu ongakulindela kwabakwaBMW. AbakwaBMW basebenzise izinto zekhethelo eliphezulu kakhulu, ukuhlanganisa ingaphakathi lalemoto. Lemoto isho ngeradio enama-inch awu-8 ehambisana neNavigation System Professional, esiyithanda kakhulu ngoba isebenzisekalula futhi ikwazi ukukukhombisa ukuthi uyaphi futhi ukwazzi nokushaya izingcingo noma ulalele umculo owuthandayo. INavigation System Professional ayifiki nemoto nokho, ngakho kumele uyithenge ngenani elithexaxa. Enye into ethandekayo ngalemoto iwireless-charging ekwenza ukwazi ukucharger ucingo ngaphandle kwentambo yokucharger.

Ngaphandle

Ngaphandle i2 Series ayibangi umsindo kodwa yinhle. Phambili uyibona ngegrille ethiyona, izimbobo zomoya ezinkudlwana kunokujwayelekile, kanye namathoshi ayibi-LED. Lokhu kwenza i2 Series ibukeke njengemoto yekhethole eliphezulu. Lokhu kuqhubeka nangemuva ngoba amathoshi angemuva ayiLED, amise okuka-L, enza lobu buhle be2 Series bungapheli.

Ukuyishayela

I220d ebesiyivivinya ibinamandla angu140kw/400Nm. Lokhu kwenza lemoto isuke ku0-100 km/h kumanenjane ayisikhombisa.Lemoto idla udizili omncane. Sazithola sisebenzi u-6.1/100km ongakude kakhulu ku5.4l/10km lo othenjiswa wona ngabakwaBMW. Okukhulu ukuthi lemoto kumunandi ukuyishayela. Ifika esivinini esiphezulu ngesikhathi esincane. Noma igijima kodwa yenethezekile. Ungayithakasela nawe lemoto.